Hitach Middle Banner

ADVERTORIAL

VILLA CROP

Monsanto en Obaro ondersteun plaasveiligheid- Suid Afrika

Die Agri Securitas-trustfonds is dankbaar vir die welwillendheid van twee bekende landboumaatskappye om plaasveiligheid te bevorder. Monsanto en Obaro het vanjaar kragte saamgespan deur ’n skenking van R1 miljoen aan die trustfonds.

Monsanto het saad aan die trustfonds geskenk, waarna Obaro dit gekoop het. Die inkomste van die transaksie is aan die trustfonds geskenk.

“Dié bydrae kan help om boere en plaaswerkers regoor Suid-Afrika te beveilig,” sê Kiewiet Ferreira, voorsitter van die Agri Securitas-trustfonds se ouditkomitee.

Monsanto en Obaro is dit eens dat die trustfonds die regte voertuig is waarmee boerderygemeenskappe beveilig kan word. Die befondsing deur die Monsanto Legacy Company is deel van die maatskappy se volgehoue verbintenis tot die plaaslike boerderygemeenskap in Suid-Afrika.

“Ons is daartoe verbind om die landelike en landbougemeenskappe in Suid-Afrika te ondersteun,” sê Kobus Steenekamp, kommersiële bestuurder van Bayer SA (Monsanto Legacy). “Ons is trots daarop om saam met ’n instelling soos Agri Securitas te werk om ons boerderygemeenskap, wat boere, plaasbestuurders, werkers en hul gesinne insluit, te beskerm. Ons hoop dat ons bydrae sal help met die verbetering van sekuriteit vir boere, sowel as die landelike gemeenskappe in ons boerderygebiede.”

“Ons beskou dit as ons moreel-etiese verantwoordelikheid om betrokke te wees by inisiatiewe wat landelike veiligheid bevorder,” sê Nic Bronkhorst, besturende direkteur van Obaro. “Die vooruitgang en ontwikkeling van landbou is almal se verantwoordelikheid. Boerdery kan slegs operasioneel effektief wees as ons boere en plaaswerkers kan werk sonder om misdaad deurlopend te vrees.”

Die landelike misdaadbedreiging is van so ’n omvang dat die boerderygemeenskap steeds ’n groot bydrae moet maak om hul eie en hul plaaswerkers se veiligheid te verseker.

“In die bekamping van plaasmisdaad het die boerderygemeenskap ’n bondgenoot in die trustfonds om hulle daarmee te help,” sê Ferreira.

Die trustfonds bied voortdurend nuwe finansiële vennootskappe vir die sakesektor om hande te vat met die fonds om die landbougemeenskap as ’n bate vir die land te help beskerm. – Persverklaring


ADVERTORIAL

OPEN

 

Farming Diary

Jul
30

1:00 pm 07.30.2019 - 2:00 pm 07.31.2019

Jul
30

4:00 pm 07.30.2019 - 5:00 pm 07.31.2019

Aug
14

08.14.2019 1:00 pm - 2:00 pm

ENCA - Latest

Feed not found.