Weeklikse Afrikaanse Landbou Nuusoorsig - Die Afrikaanse Nuus is die afgelope paar dae op AGRI NEWS NET geplaas, saam met nog ander artikels. Nuusoorsig - 1 Junie 2022

Weeklikse Afrikaanse Landbou Nuusoorsig - Die Afrikaanse Nuus is die afgelope paar dae op AGRI NEWS NET geplaas, saam met nog ander artikels. 

Dit blyk dat net een uit drie vermeende plaasaanvallers eindelik suksesvol vervolg word. Bheki Cele, minister van polisie, het Maandag in antwoord op ʼn parlementêre vraag van die VF Plus in die Nasionale Raad van Provinsies (NRP) gesê dat slegs 30% van verdagtes in sake wat met plaasaanvalle verband hou, tussen 2013 en 2018 suksesvol vervolg is. Volgens Cele is net 632 uit 1 904 verdagtes in dieselfde tyd skuldig bevind en gevonnis. Dis is die produktiwiteits syfer van die polisie.

Enige landbouplan behoort te begin by die primêre produsente wat kos op die tafel van verbruikers plaas. Winsgewendheid by produsente veroorsaak volhoubaarheid en dit moet die fokus wees. Die produsente en die verbruikers is die belangrike rolspelers in die hele landbou‑waardeketting. Indien die twee nie daar was nie, het die ander rolspelers, wat gewis ook ’n belangrike rol vertolk, geen werk gehad nie. Met ongeveer 68% van ons land se inwoners wat verstedelik het en inaggenome die belangrike rol wat voedsel speel om die ratte van elke ander instansie ook aan die beweeg te hou, kom ʼn mens by die besef dat ons produserende kommersiële boere die grootste bate is waaroor ons land beskik. Neem alle kos weg en daar sal dan vinnig besef word wat die waarde van ’n boer is.  Na ’n proses van ongeveer 18 maande het sekere rolspelers die oggend voor die minister van landbou haar begroting aangebied het, ’n nuwe landbouplan, naamlik die “Agricultural Agro Processing Masterplan” (AAMP) onderteken. TLU SA was deel van die proses, of sou die beter bewoording eerder wees TLU SA het gepoog om deel van die proses te wees. Van meet af was dit duidelik dat die ANC se transformasie-agenda – soos met alle vorige pogings van planne – die fondament sal wees.

Die huidige verskriklike toestand van meeste van ons Vrystaatse paaie kan nie net aan die swaar reën toegeskryf word nie, maar aan swak bestuur en verwaarlosing deur die Vrystaatse regering.” Dit was die openingsverklaring van die memorandum wat Vrystaat Landbou (VL) Dinsdag aan die Vrystaatse premier oorhandig het tydens haar besoek aan die Hoopstad-omgewing. Volgens verteenwoordigers van VL is die premier se besoek aan die gebied niks meer as ‘n publisiteitsfoefie nie. “Dit was merkwaardig om vanoggend skielik padinstandhoudingsmasjinerie op ons paaie te sien verskyn om onbegaanbare paaie te ‘herstel’ net voor haar aankoms,” sê Jakkals le Roux, verteenwoordiger van VL.Volgens dr Jack Armour, kommersiële bestuurder van VL, sal die organisasie openbare druk op die premier en verantwoordelike amptenare handhaaf om paaie reg te maak. “Burgers betaal buitensporige bedrae belasting aan die regering, maar tog kry ons al hoe minder waarde vir geld. Ons kan nie toelaat dat korrupsie en wanbestuur ons vermoë om voedsel vir die nasie te produseer, belemmer nie.”

SAPD bestee R11,8 miljard per jaar aan private sekuriteit -Andrew Whitfield, DA-woordvoerder oor polisiesake, het onthul dat die 'mislukte' Suid-Afrikaanse Polisiediens (SAPD) Suid-Afrikaners 'n bykomende R11,8 miljard per jaar kos, weens die versuim van die polisie om misdaad doeltreffend te bekamp. "Staatsdepartemente moes oor die afgelope vyf jaar 'n bykomende R11 miljard aan private sekuriteit bestee om vir hierdie mislukking te vergoed.  Volgens die DA het moorde oor die afgelope 10 jaar met 37% toegeneem, terwyl die polisie se begroting met meer as 60% toegeneem het. "Ten spyte van hierdie verhoogde besteding, bly SAPD-kantore ongeskik terwyl beide private burgers en die regering bykomend vir private sekuriteit moet betaal," sê die politieke party. Die grootste besteders aan private sekuriteit sluit in: die departement van kommunikasie met R2,29 miljard -die departement van openbare ondernemings met R3,6 miljard; die departement van water en sanitasie met R1,5 miljard; en die departement van vervoer met R1,6 miljard. 

Dis koud oor groot dele van die land- en die eerste ryp het reeds oor groot dele van die land voorgekom. Koring begin al oral mooi groen rye wys en die koue en ryp is net goed vir winterkoring. Met die ryp sal mielies begin afdroog en eersdaags sal ons boere voluit kan mielies stroop. 

Diesel gaan ons ladbouers baie slaan- dit gaan die insetkoste aansienlik verhoog. Boere is prysnemers en kan dit net terugverhaal as die prys van graan dit toelaat. Deeglike beplanning is nou nog meer noodsaaklik. 

Ons Junior Landbouskrywers kompetiese sal eerdaags in aanvang neem. Hou gerus ons mediums dop . Ons begin ook eersdaags met 'n ander nuwe kompetisie. 

Nuusredakteur

ewus is van ons padprobleme nie, maar wel die vermoë het om paaie reg te maak as dit polities gerieflik is om dit te doen.

Twitter