Weeklikse Afrikaanse Landbou Nuusoorsig - Die Afrikaanse Nuus is die afgelope paar dae op AGRI NEWS NET geplaas, saam met nog ander artikels. Nuusoorsig -22 Junie 2022

Weeklikse Afrikaanse Landbou Nuusoorsig - Die Afrikaanse Nuus is die afgelope paar dae op AGRI NEWS NET geplaas, saam met nog ander artikels. 

Misdaad is een van die mees kontensieuse en hardnekkigste uitdagings waarmee tallose samelewings en veral sekere gemeenskappe en indiwidue te kampe het. Sonder veiligheid leef mense in konstante vrees, besighede kan nie werklik floreer nie en maatskaplike samehorigheid word ondermyn. Dit is tewens so dat sekere sosio-maatskaplike faktore die vlakke van misdaad wedersyds beïnvloed. Armoede, ’n uitsigloosheid onder die jeug, swak dienslewering deur die staat, ’n lae onderwyspeil en dwelmmisbruik is almal simptome asook oorsake van allerlei soorte misdaad. Die probleem van misdaad verg dus ’n holistiese benadering en kan nie slegs tot polisiëring en die regswese beperk word nie.

Hoewel Suid-Afrika hom verlede jaar in die COP26-beraad verbind het tot ’n net-zero-omgewing (’n balans tussen kweekhuisgasse wat in die atmosfeer vrygestel word en dié wat uitgeneem word) teen 2050, het PwC in ’n opname gevind byna 80% van Suid-Afrikaanse uitvoerende hoofde se maatskappye het nog nie ’n vaste verbintenis tot net-zero nie. Luidens ’n studie deur Euromonitor International koop 34% van Suid-Afrikaanse respondente items wat volhoubaar vervaardig word en 49% probeer volhoubare verpakkingsmateriaal kies. Nog 32% het onlangs geld geskenk aan organisasies sonder winsbejag wat hulle beywer vir omgewingsbewaring, vergeleke met 24% wêreldwyd.

Byna 99% van all mense wat na U tube se videos kyk- gebruik die "skip" opsie- wat die irriterende bemarkingsflitse onmiddelik stop-  Geen mens kan meer die bemarkings videos hanteer nie-  om nie eens te praat van die bemarkings banners wat oral opduik as jy 'n artikel wil lees nie. Maarskappye wat nog gebruik maak van die verouderde bemarkings metodes doen hulle maatskappye meer skade as iets anders- Verskeie maatskappye irriteer met hulle flitse... wat oral uitpop- soveel so dat jy glad nie eens meer belangstel om met hulle besigheid te doen nie.

Die kommersiële boere-unie vir voorheen-benadeelde boere in Namibië, dagvaar die voorsitter van die Agribank-raad, sowel as verskeie ministers, die speaker en die prokureur generaal. Die unie eis dat die besluit deur die bank se raad om beslag te lê op kommersiële plase wat deur swart boere aangekoop is onder die Regstellende Aksie-leningskema, sou die rekening agterstallig raak, ter syde gestel moet word. Die eis, wat deur Jeaneth Kuhanga, ingedien is maak melding van die koloniale tydperk deur tot onafhanklikheid. Grond is van swart-gemeenskappe volgens haar stukke afgevat en die spesifieke leningskema is daargestel om swart boere, wat reeds op ‘n groot skaal kommunaal boer, toegang tot kommersiële grond toe te laat, op ‘n bekostigbare rentekoers en verlengde afbetalingsperiode. Sy sê nog net 16 persent van kommersiële grond is in swart besit in Namibië. Sy meen Agribank oortree sy mandaat om beslag te lê op grond wat deur die leningskema aangekoop is en sê verder, die bank mag nie die boere swartlys voor hy nie ‘n uitspraak teen hulle gekry het nie. Die saak word verdedig. Regter Marlene Tommasi sal vanoggend saam met die partye datums vir stukke en verdere voorverhoor konferensies bepaal. 

Weermodelle dui tans aan dat die huidige La Niña-stelsel tot ten minste Januarie 2023 teenwoordig gaan wees. Hoewel die La Niña-stelsel wat die weerpatrone sedert verlede jaar oorheers, in die komende maande effens gaan verswak, is daar tans ’n 60%-kans dat dié stelsel tot ten minste Desember 2022 of Januarie 2023 teenwoordig gaan wees. “Dit kan verswak gedurende Julie en Augustus, maar weer versterk vanaf September tot Desember,” sê mnr. Johan van den Berg, onafhanklike landbouweerkundige. Die langertermynneiging (volgens weermodelle) is egter dat dit verswak. Die stelsel kan meer neutraal neig vanaf ongeveer Februarie 2023. Die verwagte redelik matige tot sterk La Niña-verskynsel kan gunstig wees vir somerreënval vanaf ongeveer November tot Januarie, maar as die La Niña-stelsel in die tweede deel van die somer verswak, kan dit reënvaltoestande vanaf ongeveer Februarie nadelig beïnvloed.

Agri Besigheidskamer se jaarlikse kongres vind die week plaas by Sun City in Noord Wes. 400 afgevaardigers sal die kongres bywoon.

Ons Junior Landbouskrywers kompetiese sal eerdaags in aanvang neem. Hou gerus ons mediums dop . Ons begin ook eersdaags met 'n ander nuwe kompetisie. 

Nuusredakteur

Twitter